燕窩止咳

一向都唔鍾意睇醫生，尤其西醫，嚟嚟去去都淨係識開抗生素止痛藥。前排從尼泊爾回來病了幾天，肚瀉就食正露丸和霍香正氣丸止瀉。之後到感冒，就食同仁堂的感冒沖濟(紫色盒)，食咗四五次就好返。
不過，最麻煩要算係感冒引起的氣管敏感咳，哩種咳好麻煩，試過一咳就幾個月，不過後來經朋友介紹，發現原來燕窩可以止咳，試過之後真係WORK喎！
但每次我向其他人推介哩個方法，大家都半信半疑。今次趁自己氣管敏感咳再試多次，果然，連續今咗三日(每朝空腹食一支)，就止晒咳！
所以，現在認真推介俾各位，尤其是O個啲成日唔小心感冒，又跟手咳好耐O既朋友....。
計返條數，睇一次醫生都成二百蚊，仲貴過買一盒即食燕窩啦! 而且，就算止唔到咳，都可以養顏呀~又無副作用，好過食西藥食到個人削晒啦！