我的微博

2010年3月20日

近況...



‧ 好耐無真正咁放吓假啦! 我一向都唔主張生活同忙碌要畫上等號,忙一段時間就可以,但持續地忙,就絕對有害無益。出咗Fillens第五期之後,以為有得抖抖,點知接住又要做自己 的設計工作...不過我唔會怨o既,工作係自己決定接唔接,無人逼你o既,接得,就要做好佢! 不過忙完之後,就真係要俾自己靜吓,休息吓咯!

‧下星期會去台灣玩幾日,今次淨係同老公去。好奇怪,原來我哋次次出行,都總會同朋友一齊去,所以今次係真真正正得我哋兩個去旅行,而且仲係自由行添,真係又緊張、又期待呀!

‧前幾日去咗做雜誌訪問(係我被人訪問)。今次係有別於以往o既,因為今次係時裝雜誌,要上studio影相,仲有衣服贊助同專人化妝添! 咁大個女終於有機會試吓呢種滋味,老實講,真係恨咗好耐,人一世物一世,襯個樣仲呃得吓人,梗想影返輯啦!

起初化好個妝仲擔心會太濃,點知一打燈影相,就啱啱好咯~ 好心急想睇吓o的相呀! 好在之前有試過陪zita影studio相,記得帶"防走光膠紙",因為我實在太細粒,件CK背心變咗deep v ,真係陰公。



好多謝記者阿Sam俾呢個機會我,見其他被訪者,個個都又靚又叻,自己真係有啲怯o架~所以我都係抱住襯"青春"留"倩影"呢個心態去影,無咁大壓力嘛~

相就四月底先出街,俾住呢張"化妝後"大家睇住先。哩張相係返到屋企先影o既,個妝化咗成個鐘,又黏假眼睫毛又剩,梗係影返夠本先落妝啦~ 阿化妝師姐姐見我堂眉唔齊,仲幫找修埋眉添! 真係感謝晒!




6 則留言:

tungtung 說...

個粧一啲都唔濃呀! 好靚好自然啊! 非常期待看你的deep v 相, 哈哈!

Wayne 說...

真是不老妖精,
我看你還是不醜精靈。
好美喔!

安东尼刘 說...

我要看相~~~~快di post上来~~~~~~

JENNY 說...

tung.
經過大半日,已經甩掉一半了^^!不過拍照出來真的剛剛好!

小施.
我相信"相由心生"..haha
不過真的,我以前的樣子真的跟現在不一樣,有機會的話,給你看看以前的照片。

安東尼.
要四月底先有啊!! 不過你放心~我不po上來也一定會po上fb的! haha

陳心 chanSam 說...

哈,Jenny, 剛剛看到你的blog, 不用謝啦, 跟你交談感覺很不錯:)
Sam

JENNY 說...

Sam.
haha..你是記者姐姐?
記住幫我揀o的靚相啊~呵呵^^